બોટાદ જિલ્લાના ખેડૂતો માટે બાગાયત વિભાગ દ્વારા વર્ષ ૨૦૨૬-૨૭ માટે વિવિધ સહાયલક્ષી યોજનાઓ અમલમાં મૂકવામાં આવી છે. આ યોજનાઓ હેઠળ લાભ મેળવવા માટે i-Khedut પોર્ટલ તા. ૨૦ મે થી તા. ૧૯ જૂન, ૨૦૨૬ સુધી ખુલ્લું મુકવામાં આવ્યું છે.
આ યોજનાઓમાં ખાસ કરીને બહુસ્તરીય પદ્ધતિથી ફળપાકોના વાવેતરને પ્રોત્સાહન આપતી યોજના, ફિલ્ડ કવર દ્વારા ફળપાકોનું ગુણવત્તાયુક્ત ઉત્પાદન મેળવવા માટેની યોજના તેમજ આદુ અને હળદર પાકોના વાવેતરને પ્રોત્સાહન આપતી યોજનાઓનો સમાવેશ થાય છે.
આ ઉપરાંત બાગાયત વિભાગ દ્વારા મહિલા તાલીમાર્થીઓ માટેની સ્ટાઈપેન્ડ સહાય યોજના માટે પણ પોર્ટલ આગામી ૨૦ દિવસ માટે ફરીથી ખુલ્લું મુકવામાં આવ્યું છે.
બોટાદ જિલ્લાના ખેડૂતોને બાગાયત વિભાગની વિવિધ યોજનાઓનો લાભ લેવા માટે Ikhedut Portal 2.0 પર ઓનલાઈન અરજી કરવાની રહેશે. ખેડૂતો તા. ૨૦ મે થી તા. ૧૯ જૂન દરમિયાન [i-Khedut Portal 2.0](https://ikhedut.gujarat.gov.in?utm_source=chatgpt.com) પર અરજી કરી શકશે.
નવી i-Khedut Portal 2.0 પર અગાઉ નોંધાયેલા તેમજ નવા નોંધણી કરનાર તમામ ખેડૂતોએ આધાર ઓથેન્ટિકેશન ફરજિયાત કરવાનું રહેશે. અરજીમાં જરૂરી દસ્તાવેજો અપલોડ કરી અરજી કન્ફર્મ કર્યા બાદ તેની પ્રિન્ટ મેળવી ખેડૂતોએ સહી સાથે પોતાની પાસે જ રાખવાની રહેશે. અરજી મંજૂર થયા બાદ ક્લેમ સબમિટ કરતી વખતે તે ઓનલાઈન અપલોડ કરી બાગાયત કચેરીએ પહોંચાડવાની રહેશે.
વધુ માહિતી માટે નાયબ બાગાયત નિયામકશ્રીની કચેરી, એ/એસ/૧૨, જિલ્લા સેવા સદન, બીજો માળ, ખસ રોડ, બોટાદ અથવા ફોન નં. ૦૨૮૪૯-૨૭૧૩૨૧ પર સંપર્ક કરવા જણાવાયું છે.
